Masobra 2,000 ka mga mangunguma sa Capiz, nakabaton sang pesticide batok sa red-striped soft scale insect

Nakahatag na sang pesticide ang Capiz Provincial Government sa mga mangunguma sa probinsya nga apektado sang Red-striped Soft Scale Insect (RSSI).

Sa interview sang Bombo Radyo kay Rufino Ashbel Gad Dunton, Acting Provincial Agriculturist sang Capiz, iya ginpahayag nga paagi sa amo nga tikang, mabuligan ang mga mangunguma nga naga-antos sang halit sa ila mga pananum bangud sa pag-atake sang RSSI.

Suno kay Dunton, ginapanagtag ang pesticide agud makontrol kag mapunggan ang padayon nga pagdamo sang amo nga peste sa probinsya.

Kabug-usan nga masobra 2,000 ka mangunguma ang nakabaton na agud mabuligan sila sa pag-atubang sa halit nga dala sang RSSI sa ila mga pananum.