Nagdangat na sa 20,674 indibidwal ang naapektuhan sang Bagyong Marce halin sa tatlo ka rehiyon sa pungsod.
Sa pinaka-ulihi nga balita sang National Disaster Risk Reduction and Management Council (NDDRMC), kabaylo ini sang 7,233 pamilya halin sa Region 1 ukon Ilocos region, Region 2 ukon Cagayan Valley kag Cordillera Administrative Region.
Halin sa mga nasambit nga numero, 3,958 pamilya ukon kabaylo sang 11,476 indibidwal ang sa karon nga yara na sa nagkalain-lain nga evacuation centers sa mga nasambit nga rehiyon.
Samtang, pila naman ka mga karsada na ang indi passable sa karon sang mga light vehicles partikular sa Poblacion, Pagudpud kag Pancian sa Adams, Ilocos Norte kag Nakanmuan, Sabtang sa Batanes.
May ara man sang pila ka mga karsada sa Isabela kag Apayao ang indi naman passable sa tanan nga sahi sang salakyan.
