ROXAS CITY – Naglab-ot na sa 29, 416 ka mga mangunguma sa probinsiya sang Capiz ang nakabaton sang P5, 000 nga ayuda sa idalom sang 2020 Financial Subsidy for Rice Farmers sang Department of Agriculture (DA).
Ini ang ginkompirmar ni Carolina Cornelio, ang Agriculture Program Coordinator sang DA-Regional Office 6 sang mainterview sang Bombo Radyo.
Suno diri nga sa probinsiya sang Capiz, may yara sang kabug-usan nga 31, 347 ka mga benepisyaryo sang amo nga ayuda.
Bangud diri may nabilin pa nga 1, 931 ka mga mangunguma nga nagahulat nga mahatagan sang nasambit nga bulig-pinansiyal.
Ang nasambit nga ayuda ang bilang bulig sa magagmay nga mga mangunguma nga may gina-umhan nga isa ka ektarya panubo kadungan sang ginapangatubang sa karon nga pandemiya.
Sa pagpakig-angut naman sang Bombo Radyo sa Office of the Provincial Agriculturist, nahibaluan nga wala pa sang may nabaton nga reklamo ang talatapan natuhoy sa nasambit nga ayuda nga ginapanghatag sa mga mangunguma.
