Masobra 3, 000 ka mga tawo sa Japan, ginapa-evacuate  bangud sa wildfires sa pungsod

Naglab-ot sa  masobra 3, 000 ka mga tawo sa northern Japan ang ginapa-evacuate sa ila nga mga puluy-an kasunod sang wildfires nga nagluntad sa pungsod.

Gin-abisuhan ang mga residente sa Otsuchi, Iwate Prefecture, nga gilayon magkadto sa mga evacuation center bangud yara na sa masobra 1,176 hectares ang natupok sang kalayo.

Suno kay Japan Chief Cabinet Secretary Minoru Kihara, may pila ka buildings sa rural area nga nahalitan na sang sunog.

Matandaan nga sang nagligad nga tuig, natabo sa Iwate ang pinakadako nga forest fire sa Japan sa sulod sang pila ka dekada, kun sa diin halos 3,000 hectares sang duta ang nasunog kag masobra 4,000 ka tawo ang gin-evacuate.