Sa tunga sang tuman nga mga pag-inulan kag mga pagbaha, nag-isyu sang public health advisory warning ang Department of Health batuk leptospirosis.
Suno kay Health Secretary Ted Herbosa nga kung mahimo, likawan nga maglusong sa tubig-baha, apang kun indi ini malikawan siguraduhon nga makahugas sang intsakto sang matinlo nga tubig kag sabon.
Kinahanglan man suno diri nga magpakonsulta sa doktor ukon health center sa sulod sang 1 tubtob 2 ka adlaw apisar nga wala sang samad ukon nabatyagan nga sintomas.
Mahibaluan nga base sa bag-o nga datos sang ahensya, naghabok ang mga kaso sang sakit kadungan sang pagbinaha kung sa diin naglab-ot na ini sa kabug-usan 3,785.
Nagpahanumdum man si Herbosa nga importante ang pag-inum sang antiobiotic prophylaxis agud mapunggan nga malatnan sang nasambit nga sakit
