Indi magnubo sa 31 ka tawo ang napatay sa ginpabaskog nga pag-atake sang Israel sa southern kag eastern Lebanon.
Kasunod ini sang pahayag ni Israeli Prime Minister Benjamin Netanyahu nga pabaskugon sang Israel ang military operation batok sa grupo nga Hezbollah.
Suno sa Lebanon health ministry, lakip sa mga napatay ang pila ka mga kabataan sa nagkalain-lain nga lugar.
Base naman sa Israeli military, masobra 100 ka mga infrastructure sites sang Hezbollah kag sang ila mga fighters ang naigo.
Ini na ang pinanabaskog nga pagpamomba sang Israel halin sang nag-epekto ang ceasefire sang tunga-tunga sang Abril.
Sa security cabinet meeting, ginpahayag ni Netanyahu nga ang Israel nagapadalom sang iya operasyon sa Lebanon kag ginapabaskog ang security zone sang seguridad agud amligan ang mga komunidad sa Northern Israel gikan sa mga pag-atake sang Hezbollah.
