Ginkumpirma ni House Prosecution Panel Chair kag Batangas Representative Gerville “Jinky Bitrics” Luistro nga masobra 30 ka testigo ang natalana nga ipresentar sang House prosecution panel sa impeachment trial batuk kay Vice President Sara Duterte.
Suno kay Luistro, ginpasangkad nila ang listahan agud masiguro nga mapresentar ang tanan nga importante nga testimonya.
Gin-athag ni Luistro nga base sa nasambit nga polisa, mahimo nga dumilian ang mga witness nga wala ginsambit sa pre-trial nga mag-atubang sa trial mismo.
Ginalauman naman nga ilakip ang mga opisyal kag bank records bilang kabahin sang ebidensya sang prosekusyon agud pamatud-an ang mga alegasyon sang wala mapaathag nga manggad ukon (unexplained wealth) kag sala nga paggamit sang confidential funds.
Natalana nga maghiwat sang pre-trial conference ang Senado sa Hunyo 18, samtang ang impeachment trial ang pormal nga magasugod sa Hulyo 6.
