Malipayon ang masobra 3,000 ka mga senior citizen matapos nila mabaton ang ila social pension halin sa Department of Social Welfare and Development (DSWD) para sa nagapadayon nga quarter.
Dako nga bulig ang amo nga ayuda para sa mga katigulangan agud makabakal sang bulong kag iban pa nga importante nga mga kinahanglanon sa adlaw-adlaw nga pangabuhi.
Ginpabutyag man nga nagakadapat ang mga senior citizen sang pag-atipan, pagpalangga kag suporta gikan sa gobyerno kag komunidad bangud sa ila kontribusyon sa katilingban sa nagligad nga mga tinion.
Apang, bisan nakabenepisyo na ang masobra 3,000 ka mga katigulangan, gin-ako nga madamo pa sang mga senior citizens ang nagakinahanglan sang bulig.
Bangud sini, padayon nga ginapangitaan sang pamaagi nga mapalapad pa ang benepisyo pinaagi sa posible nga localized pension program para sa mga kwalipikado nga katigulangan.
Ginpasiguro man nga sa tion sang pagmasakit ukon emerhensya, may yara sang mga programa kag serbisyo nga mahimo nila makadtuan agud makabaton sang nagakaigo nga bulig.
Padayon naman ang panawagan sa mga senior citizens kag ila mga pamilya nga magpakig-angot sa nagkalainlain nga opisina sang gobyerno agud mahibaluan ang mga benepisyo kag programa nga mahimo nila ma-avail.
