Masobra 40 ka mga indibidwal, patay matapos ang mabaskog nga paglupok nga nagtay-ug sa Myanmar

Indi magnubo sa 40 ka tawo ang napatay matapos ang mabaskog nga paglupok nga nagtay-ug sa Namhkam Township, northern Myanmar.

Base sa report, naglab-ot sa 46 ang napatay lakip na ang mga kabataan, samtang masobra 70 naman ang pilason sa insidente.

Suno sa Ta’ang National Liberation Army (TNLA), ang paglupok ang posible gintunaan sang “accidental detonation” sang natago nga mga eksplosibo nga ginagamit sa pagmina kag quarrying.

Pahayag pa, ginapanag-iyahan sang ila economic department ang mga eksplosibo.

Padayon pa ang imbestigasyon sang Ta’ang National Liberation Army samtang ginahibalo pa ang kabug-usan nga epekto sang insidente sa tunga sang nagapadayon nga civil war sa Myanmar humalin pa sang tuig 2021.