Naglab-ot sa 480 ka mga Pilipino sa Middle East ang iga-repatriate bangud sa nagalala nga tensyon sa tunga sang Iran, Estados Unidos, kag Israel, suno sa Philippine Consulate sa Dubai.
Suno kay Consul General Ambrosio Brian Enciso III, ang mga repatriates ang ginabug-usan sang 36 ka mga turista kag 270 ka mga migrant workers, kag magabiyahe halin sa Dubai upod si Migrant Workers Secretary Hans Cacdac sa chartered flight.
Ini ang labing una nga repatriation sang mga Pilipino halin sa Middle East pinaagi sa chartered flight.
Matandaan nga sang Miyerkules, gin-anunsyo sang Department of Migrant Workers nga 44 ka OFWs halin sa Israel kag Dubai ang nagpauli pinaagi sa land travel padulong sa Egypt, kag gikan didto nagsakay sa eroplano padulong sa Oman antes mag-abot sa Pilipinas.
Sang Lunes, 90 pa ka mga OFWs halin sa UAE ang nagpauli.
Una diri, ginpahayag ni President Ferdinand “Bongbong” Marcos Jr. nga naga-arrange ang national government sang charter flights agud mapauli ang mga Pinoy bangud sa nagalala nga tensyon sa Middle East.
