Masobra 5,600 ka mga tripulante nga Pilipino ang nagapabilin nga stranded sa ginatos ka mga commercial kag cruise vessels sa Persian Gulf kag Gulf of Oman bangud sa mga pamahog sa seguridad may kaangtanan sa nagalala nga tensyon sa tunga sang Estados Unidos, Israel, kag Iran malapit sa Strait of Hormuz.
Sa isa ka pahayag sang Department of Migrant Workers (DMW) nga ang mga Pilipino ang nalakip sa ginabulubanta 20,000 ka international seafarers nga apektado sang operational restrictions.
Suno sa ahensya, naka-evacuate na ang ginabanta 1,100 ka mga crew members gikan sa Persian Gulf pinaagi sa coordinating operations nga ginpatigayon kaupod ang nagkalain-lain nga commercial vessels kag cruise ships.
Padayon ang monitoring sang DMW ang mga barko nga may sakay nga mga Pilipino agud masiguro nga may yara sila sang bastante nga pagkaon, ilimnon nga tubig, bulong, kag iban pa nga kinahanglanon.
