Masobra 50 ka indibidwal pilason sa bungguanay sang duwa ka trams sa France

Pilason ang indi magnubo sa 50 ka tawo matapos ang insidente nga pagbungguanay sang duwa ka trams sa Strasbourg sa eastern France.

Natabo ang insidente sa isa ka tunnel padulong sa station malapit sa central train stations.

Gindala sa mga ospital ang mga napilasan nga pasahero sang duwa ka trams.

Nagpalapta naman ang mga otoridad sang 130 nga mga bumbero, 50 rescue vehicles kag pila ka mga emergency nga mga salakyan.

Ginpahayag ni René Cellier, ang director sang Bas-Rhin Fire and Rescue Service nga yara sa 50 ka tawo ang nag-angkon sang mga kapilasan, fractures kag knee sprains apang wala sang kritikal.

Nagapatigayon sa gihapon ang mga otoridad sang maid-id nga imbestigasyon nahanungod sa nasambit nga insidente.