CAPIZ-May kabug-usan nga 505 ka manugpangisda halin sa mga banwa sang Panay kag Pontevedra sa Capiz ang nagbaton sang bulig pinansyal paagi sa Presidential Assistance for Farmers and Fisherfolk Program (PAFFP) sa ginpatigayon nga aktibidad sa Hall of Governors, Kapitolyo Probinsyal, subong nga Oktubre 29, 2026.
Sa nasambit nga numero, 404 ang halin sa Panay, samtang 100 ang halin sa Pontevedra.
Ginasuportahan ni Gobernador Fredenil H. Castro ang implementasyon sang programa sang nasyonal nga gobyerno agud mabuligan ang mga manugpangisda, ilabi na ang mga nagakinahanglan sang dugang nga pinansyal nga suporta.
Suno sa impormasyon nga ginpaambit, daku nga bulig ang pinansyal nga ayuda sa mga mangingisda nga apektado sang pagsaka sang presyo sang krudo, nga nagadugang sa ila galastuhon sa pagpangisda kag sa adlaw-adlaw nga panginahanglan sang ila pamilya.
Nagtambong man sa aktibidad sanday Acting Provincial Agriculturist Rufino Ashbel Gad Dunton, OPA Consultant Sylvia dela Cruz, Provincial Fisheries Coordinator Joey Dela Cruz, kag mga katapo sang Office of the Provincial Agriculturist (OPA) kag Bureau of Fisheries and Aquatic Resources (BFAR).
