Masobra 740,000 ka sako sang lokal nga bugas, natalana nga i-auction sang National Food Authority

Natalana nga i-auction sang National Food Authority ang 741,570 ka sako sang lokal nga bugas nga natago na sa sulod sang masobra anum ka bulan.

Suno sa NFA, ang tikang kabahin sang ila programa agud mahawanan ang mga bodega kag mahatagan sang espasyo ang bag-o nga stock sang bugas.

Nagabalor sang masobra P1.19 bilyon ang kabug-usan nga bugas nga iga-auction sang ahensya.

Magapatigayon man ang NFA sang pre-auction conference agud ipabutyag ang mga patakaran kag proseso sang auction.