Masobra 800 ka mga manunudlo nga magaserbe kuntani bilang katapo sang Electoral Board ang nag-withdraw kag indi na magpadayon para sa BARMM Parliamentary Elections buwas, Setyembre 14.
Suno kay COMELEC Chairman Atty. George Erwin Garcia, madamo sa mga nag-withdraw ang nagikan sa probinsya sang Maguindanao del Sur, samtang 137 naman ka mga manunudlo ang nagikan sa syudad sang Cotabato.
Magluwas sini, may mga manunudlo man nga nag-withdraw sa Lanao del Sur, Tawi-Tawi, kag Special Geographic Area ukon SGA.
Suno kay Garcia, ang presensya sang mga himata nga kandidato sa BPE 2026 ang ginapahayag rason sa pag-withdraw sang iban nga mga manunudlo.
Apang ginpasalig sang COMELEC nga may mga pulis nga handa nga magserbe bilang Special Electoral Board agud pun-an ang mga bakante nga posisyon kag masiguro nga magapadayon ang proseso sang pagboto sa mga polling precincts.
Padayon ang preparasyon sang COMELEC kag security forces para sa una nga BARMM Parliamentary Elections nga pagahiwaton bwas nga adlaw.
