Ginlauman nga magdugok sa mas ukon menos 980,000 nga mga pasahero ang magabiyahe sa mga airports sa pungsod subong nga Holiday season, suno sa Civil Aviation Authority of the Philippines (CAAP). Mas mataas ini kun ipaanggid sa 895,000 travelersnga narekord sang tinalikdan nga tuig.
Bilang pagpreparar, ginpaidalom sa heightened alert ang bug-os nga 44 CAAP-operated commercial airports, kun sa diin suspendido ang leave sang mga empleyado kag aktibo ang mga help desk kag medical teams agud masigurado ang safety kag maayos nga dalagan sang biyahe.
Gin-abisuhan man sang CAAP ang mga pasahero nga magpadulong sa airport sa sulod sang tatlo ka oras antes ang flight, regular nga i-check ang flight status, kag likawan ang pagdala sang mga ginadumilian nga mg pagkabutang agud malikawan ang delay.
