Patay ang Anum ka mga estudyante, anum ang pilason, samtang ang iban padayon pa nga ginapangita matapos narumpag ang building sa New Delhi, India.
Suno kay New Delhi Chief Minister Rekha Gupta, naluwas sang mga rescuers ang masobra 12 ka tawo pagkatapos sang pagkarumpag sang lima ka panalgan nga hostel sa Satya Niketan nga nagaserbe bilang private accommodation para sa mga estudyante sa malapit nga Delhi University.
Ginapahayag nga masobra 55 years na ang building kag pila na ka bulan nga gina-renovate.
Base man sa preliminary investigation, possible nga ang natipon nga tubig sa basement sang daan nga building kag ang nagapadayon nga renovation ang rason sang pagkarumpag.
Padayon naman ang operasyon sang mga lokal nga otoridad sa India ang iban pa nga mga tawo nga posible na-trap sa mga debris sang narumpag nga building.
