-- ADVERTISEMENT --
Ginalauman nga magasaka sang masobra P1 ang presyo sang produktong petrolyo sa masunod nga semana, suno sa Department of Energy (DOE).
Ginpahayag ni Rodela Romero, Assistant Director sang DOE-Oil Industry Management Bureau, ang pagsaka sang presyo nakasandig sa apat ka adlaw nga trading sa Mean of Platts Singapore (MOPS).
Yari ang ginalauman nga saka sa presyo sang gatong:
- Gasolina: P0.90 tubtob P1.40 kada litro
- Diesel: P1.00 tubtob P1.40 kada litro
- Kerosene: P1.00 tubtob P1.20 kada litro
Suno kay Romero, pila sa mga factor nga nagaapekto sa pagtaas sang presyo amo ang masunod:
- Padayon nga pagtaas sang presyo sang krudo bangud sa positibo nga trade signal sang US kag China
- Kakulangan sang progreso sa negosasyon sa tunga sang US kag Iran angut sa nuclear deal
- Pahayag sang OPEC nga padayon ang pagsanyog sang demand sa gatong sa masunod nga 25 ka tuig.
Opisyal nga ginaanunsyo sang mga kompanya sang langis ang paghulag sang presyo kada Lunes kag ginapatuman sa Martes.
-- ADVERTISEMENT --
