Nakumpiska sang Police Regional Office 6 sa Western Visayas ang kabilugan P184,734,852 nga balor sang 27.166 kilograms tanan nga shabu sa sulod sang tatlo ka bulan ukon 1st quarter sang 2026.
Sa interview sang Bombo Radyo kay Police Major Lailyn Sencil, Spokesperson sang Police Regional Office 6, iya ginpahayag nga nagtaas ang amo nga record kun ipaanggid sang tinalikdan nga tuig sa kapareho nga tyempo.
Suno kay Sencil, narekord ang pinakadako nga nakumpiska sang shabu sa Iloilo Province nga may 13.96 kilogram kag ginsundan sang Iloilo City nga may 6.32 kilogram. Sa probinsya sang Capiz, yara naman sa isa ka kilo.
Pahayag niya, ang amo nga record nagapakita nga wala sa gihapon matapna ang iligal nga aktibidad sa palibot particular ang pag-engage sang mga indibidwal sa paggamit ukon pagbaligya sang iligal nga droga.
Nahibaluan nga kadungan sang nakumpiska nga shabu, nadakpan man ang 195 tanan ka mga High Value Individual, kag 312 ka mga Street Level Individual.
Nagapanawagan naman ang natungdan sa mga tawo nga nagapatigayon sang iligal nga aktibidad nga untaton na ang amo nga buluhaton kag pillion ang maayo, safe kag malinong nga pagpangabuhi.
Interviewed by Bombo Saira Joy Alu-ad Bautista | via Bombohanay sa Udto
