Nakumpiska sang Bureau of Customs (BOC) ang P2.3 bilyon nga balor sang smuggled goods, kalakip ang iligal nga droga, umpisa Hulyo tubtob Agosto.
Suno kay Bureau of Customs Commissioner Ariel Nepomuceno, nagpatigayon ang ahensya sang 128 ka mga operasyon kasunod sa direktiba ni Presidente Ferdinand Marcos Jr. batok sa smuggling.
Kalakip sa mga nakumpiskar angP1.230 bilyon nga illegal drugs, P929 milyon nga sigarilyo kag vape products kag P178 milyon nga agricultural products.
Nahibaluan nga sang Hulyo 17, narekober ang 110.24 kg sang shabu sa Manila International Container Port, kag sang Agosto 22, isa ka warehouse sa Bulacan ang ginsulod kun sa diin nakumpiskar ang P605 milyon nga smuggled cigarettes.
Ginpatuman sang Bureau of Customs ang mga reporma nga kaangay sang pag-suspinde sang Letters of Authority (LOAs) kag Mission Orders (MOs) kag pagdumili sa mga empleyado sang ahensya nga magpanag-iya sang financial interest sa customs brokerage.
