ROXAS CITY – Kapin sa 20 bilyones pesos ang gin-aprubahan nga pondo para sa tuig 2020 sa ginpatigayon nga Provincial Development Council Meeting sang gobyerno-probinsiyal sa isa ka hotel sa Barangay Lawaan, Roxas City.
Mahibaluan nga ang nasambit nga sinapol ang ginpangunahan mismo ni Capiz governor Esteban Evan ‘Nonoy’ Contreras.
Mahibaluan nga sa nasambit nga pondo, 18 bilyones pesos diri ang pagakuhaon sa external sources ukon gikan sa mga national agencies.
Kapin sa 1.3 bilyones pesos ang ginpain para sa General Fund; kapin 94 milyones pesos para sa Calamity Fund; kapin 12 milyones pesos para sa Special Education Fund; kapin 94 milyones pesos para sa Gender and Development Fund; kapin 176 milyones pesos para sa Economic Services; kag may kapin 120 milyones pesos man nga pondo nga igapain para sa mga proyekto kag programa sang mga local chief executives sa mga kabanwahanan sa probinsiya.
Mahibaluan nga sadtong bulan pa kuntani igasumiter ang 2020 budget bangud igapaidalom pa ini sang budget hearing sang Sangguniang Panlalawigan apang naghinyo ang Office of the Governor nga hatagan pa ini sang ekstensiyon para sa paghitsu sang pondo rason nga sini gid lamang ini nga bulan sang Nobyembre natapos.
Mahibaluan nga pagatun-an pa sa budget hearing sang Sangguniang Panlalawigan ang pondo nga nakasugtan sa Provincial Development Council Meeting antes ini dalayon nga aprubahan.
