ROXAS CITY – Aprubado na sang Sangguniang Panlawigan Capiz ang P21,350,044.45 nga supplemental budget para sa sweldo sang mga Contractuals kag Job Orders sang Capiz Provincial Government.
Sa ika-31 nga Regular Session sang Sanggunian (Setyembre 16, 2020), nga ginapamunuan ni Vice Governor James “Mitang” Magbanua, nangin unanimous ang mga Board Members sa pagboto pabor sa pagpain sang dugang nga pondo kag ini ang ipaagi sa Provincial Governor’s Office.
Base sa Statement of Supplemental Appropriation, P15,960,473.46 ang magakadto sa Other Professional Services ukon sweldo sang Contractuals kag P5,389,570.00 naman ang para sa Other General Services ukon sweldo sang mga Job Orders sang Kapitolyo.
Ang gin-dugang nga pundo sa Opisina sang Gobernador kuhaon sa savings sang Provincial Heal Office – Other Maintenance and Operating Expenses uko OMOE (Drug Management).
Una nga nagsulat si Governor Esteban Evan B. Contreras sa Sangguniang Panlalawigan, pinaagi kay Vice Gov. Magbanua sadtong Agusto 14, 2020 para magpangayo sang supplemental budget para sa Provincial Governor’s Office. Ini ang gincertify nga Urgent sang gobernador.
