Nakumpiska sang Department of Trade and Industry–Fair Trade Enforcement Bureau (DTI-FTEB) ang P25.3 million nga balor sang noncompliant household appliances sa isa ka operasyon sa Malabon sang Disyembre 15.
Ginabulubanta naglab-ot sa 14,704 items, kalakip ang rice cookers, electric fans, ovens, juicers kag kettles, ang nakumpiska matapos matumod sa online test-buy nga posible delikado ang mga produkto.
Kadam-an sa mga ini wala sang mandatory Philippine Standard (PS) marks kag Import Commodity Clearance (ICC) stickers nga ginakinahanglan sa idalom sang mga ginapatuman nga safety regulations.
Suno kay Trade Secretary Cristina Roque, kabahin ini sang mas ginpasangkad nga kampanya sang DTI sa idalom sang E-Kalasag program agud masigurado ang seguridad sang mga consumer, ilabi na subong nga holiday season.
