-- ADVERTISEMENT --
Ginpakigbahin sang Philippine Drug Enforcement Agency (PDEA) Region 6 ang major accomplishments sang ahesya sa pagpakig-away batuk sa iligal nga droga sang tuig 2025.
Sa interview sang Bombo Radyo kay Ma. Graziella Tanaleon, Spokesperson sang PDEA Region 6, iya ginpahayag nga naglab-ot a 1,863 anti-drug operations ang ginpatigayon sa Western Visayas nga nagresulta ang pagkumpiska sang 77,854.95 grams sang shabu kag 8,716.71 grams sang marijuana.
Suno kay Tanaleon, ginabanta nagabalor sang P500 million ang nakuha nga shabu kag masobra P1 million naman sa marijuana sa sulod sang isa ka tuig.
Sa enforcement naman pahayag niya, 2,558 ka mga indibidwal ang naaresto, kag 5,238 ka mga drug-related cases ang gin-file sa korte.
