Masobra Php142  million nga budget sa Flood Control Project sa Brgy. Cogon, Panay, Capiz, nahuman na

Natapos na ang masobra Php 142 million nga budget sa Flood Control Project sa Brgy. Cogon, Panay, Capiz.

Sa interview sang Bombo Radyo kay Punong Barangay Ariel B. Basilonia, iya ginpahayag nga bisan pa man atrasado ang pagsugod sang proyekto sang Marso 4, 2025, natigayon sa gihapon nga matapos ini sa natalana nga petsa sang Marso 10, 2026.

Suno kay Basilonia, ang pundasyon sang river control indi lang maayo tan-awon kundi mapag-on pa ini nga may lima ka metros nga distansya sang sheet pile kag kataason nga 173 meters.

Dugang pa sini, ang proyekto daku nga bulig sa tagsa ka panimalay malapit sa lugar sa pagdumala sang baha.

Nagalaom man ang barangay nga masugpon ang proyekto para sa dugang benepisyo sang mga pumuluyo.