Masobra na sa 700 ka mga indibidwal ang nag-evacuate matapos sang pagkasunog sang apartment complex sa bahin sang Wang Fuk Court, sa Tai Po, Hongkong.
Sa interview sang Bombo Radyo kay Hongkong Correspondent Jing Gabiazo, iya ginpahayag nga nagsugod ang sunog band alas 3 sang hapon kag madasig nga naglapta ang kalayo.
Suno kay Gabiazo, base sa inisyal nga imbestigasyon, isa ka scaffholding nga himo sa kawayan ang nasunog kag nahulog sa net nga nakapalibot isa ka building ang gintunaan sang nasambit nga insidente.
Pahayag pa niya, nabudlayan man ang mga otoridad nga sudlon ang amo nga building bangud madamo sang mga debris ang nagakalahulog nga nagahatag man sang pamahog sa seguridad sang nagapalong sang kalayo.
Sa subong, nagapadayon ang pagpalong sa kalayo sa 3 sa 8 ka high rise building kag ang mga pumuluyo ang temporaryo anay nga ginpahamtang sa mga temporary shelters bangud mga senior citizen ang kalabanan nga naga-istar sa amo nga lugar.
