Bag-o pa man ang pagpanalasa sang bagyo nga Gaemi sa mainland China, naghiwat na ang Chinese government sang pagpa-evacuate sa coastal fishing communities sini.
Sa Fujian Province, naglab-ot na sa 150,000 katawo ang nagpa-idalum sa relokasyon bangud sa kahadlok sang pagbaha kag mataas nga alagyan.
Ginsuspende ang passenger waterway routes sa nasambit nga lugar sa sulod sang tatlo ka adlaw, kadungan sang pagpanalasa sang bagyo.
Maluwas diri, kanselado naman ang pila ka mga flights sa Fujian kag Zhejiang Province samtang ginsuspinde man ang train service sa Guangzhou area, ilabi na ang mga ruta nga naga-agi sa mga lugar nga maagyan sang bagyo.
Kagapon, una naman nga ginhanda sang mga Chinese officials ang nagkalain-lain nga measures batok sa mga mabaskog nga pag-ulan kag mga pagbaha, kadungan sang paghatag alarma sa mga residente.
Bag-o ang ginalauman nga pagbayo sang bagyo sa China, gina-angkon sini ang hangin sa tubtob 140kph malapit sa sentro sini samtang ang pagbugso ang naglab-ot sa 215 kph, kabaylo sa gihapon sang hurricane sa US.
