Nagdangat na sa P203.38 million ang napagkit nga kahalitan ang ginbilin sang gintingub nga epekto sang bagyo nga Carina kag Habagat sa sektor sang agrikultura sa Pilipinas.
Suno sa pinaka-ulihi nga datus nga ginpaguha sang DA-DRRM Operations center, naapektuhan ang mga humayan, maisan, kag talamnan sang mga high value commercial crops sa nagkalain-lain nga bahin sang pungsod, bangud man sa lapnagon nga pagbaha.
Ginkalakipan ini sang 10,688 ka ektarya sang mga talamnan samtang naglab-ot naman sa 2,574 metriko tonelada sang mga pananum ang naguba.
Naglab-ot naman sa 9,198 ka mangunguma ang naapektuhan, suno sa Department of Agriculture.
Ang mga ini ang nakuha nagikan sa mga DA Regional Field Offices (RFOs) sa Central Luzon, Mimaropa, Western and Eastern Visayas, Zamboanga Peninsula, Soccsksargen kag Caraga regions.
Padayon naman ang ginahimo nga field validation sang DA angut sa epekto sang bagyo, samtang dalayon man ang pagsulod sang dugang nga report nagikan sa mga field office sini.
Una na nga ginsiguro sang ahensiya ang nakahanda nga bulig nga ginpanghatag sa mga biktima nga magngunguma.
