“From PWD to RIP.”
Ini ang komento sang pila ka mga netizen angut sa bag-o himo nbga wheelchair ramp sa EDSA Busway-Philam station sa Quezon City.
Sa baylo nga makabulig, daw madisgrasya pa ang persons with disabilities (PWDs) nga maga-agi diri bangud sa pagiging mataas sang wheelchair ramp.
Isa ka wheelchair user nga ginkilala nga si Nelson Belo ang nagtry sa nasambit nga PWD ramp.
Kasubong sang duda sang mga netizen, nabudlayan siya nga makasaka bangud sa sobra ka taas sang rampa.
Mangin pagpanaug delikado man, apisar may nagabulig pa sa iya.
Pag-eksplekar sang Metropolitan Manila Development Authority (MMDA), diri nila ginbutang ang PWD ramp bangud sa limitado nga espasyo.
Kun wala ini, indi suno maipatukod ang elevator.
Suno kay MMDA Acting Chairman Atty. Romando Artes, indi nangin madali ang pagpatindod sang PWD ramp sa Phil-am station bangud sa height restriction sang Metro Rail Transit (MRT).
Aminado man nga indi perpekto ang disenyo, partikular na para sa mga naka-wheelchair, ginpahayag sang MMDA nga dako nga bulig sa gihapon para sa Senior Citizens, nagabusong kag iban pa nga PWDs sa baylo nga magsaka ini gamit ang hagdan.
Samtang, ginkumparar naman sang mga netizen sa slide, skateboard ramps, kag mangin sa rollercoasters ang PWD ramp nga ginatawag subong nga “rampway to heaven”.
