Ginklaro sang Capiz Electric Cooperative ukon CAPELCO nga ang mataas nga bill sang kuryente posible nga bangud sa mataas man nga konsumo sang mga konsomidor.
Sa interview sang Bombo Radyo kay Engr. Edgar Diaz, General Manager sang CAPELCO, iya ginpahayan nga dapat lantawon sang mga consumer ang ila statement of account agud mahibaluan ang mga charges sa ila bill.
Suno kay Diaz, may yara sang nagkalain-lain nga mga charges para sa generation, transmission kag distribution, kag ang kakulang sang supply sang kuryente mahimo magpataas sang generation cost.
Gin-athag man sini nga wala sang pagtaas sa distribution charge bangud wala man sang may gin-file nga application para sini sa Energy Regulatory Commission ukon ERC.
Samtang nagpanugyan naman ang natungdan sa mga consumer nga magtipid sa paggamit sang kuryente bangud sa padayon nga naekperyensyahan ang krisis sa suplay sang kuryente sa Visayas.
