ROXAS CITY – Ginapangitaan sang pamaagi sang talatapan sang Roxas Memorial Provincial Hospital, ang ginapahayag mataas nga numero sang mga pasyente.
Sa interview sang Bombo Radyo kay Dr. Florencio Luching Chief sang RMPH, ginpahayag sini nga may yara lamang sang 147 beds capacity ang amu nga ospital.
Suno kay Luching, sa karun wala naganubo sa 250 nga mga pasyente ang yara sa amu nga ospital.
Ini man bangud sa mando ni Capiz Governor Fredinel “Oto” Castro nga indi nila kinahanglan nga magpamalibad sa mga Capiznon nga nagapalapit sa RMPH agud magpabulong.
Bangud sini, ginatinguhaan nila suno diri nga maakomodar ang tanan kag mahatag ang nagakadapat nga serbisyo sa publiko.
Nagalaum man si Luching nga sa tion mahuman na ang ginapakay-o nga bag-o nga building dako ini nga bulig sa ila kag mahatagan na sang solusyon ang nasambit nga problema.
Mahibaluan nga yara na sa 90 tubtob 95% nga human na ang gina-constract nga edipisyo.
Samtang, nagapangayo man ini sang pasaylo sa mga pasyente nga apektado sa karun apang nagapasalig sila nga ihatag ang serbisyo nga nagakadapat para sa mga ini.
