Paga-amyendahan sang Department of Education ang MATATAG curriculum base sa mangin eksperyensya sang mga manunudlo kag estudyante.
Sa Malacañang Insider, ginsiling ni Education Secretary Sonny Angara, apisar ipadayon ang paggamit sang curriculum posible nga bag-uhon pa ang revised study program kun makitan sang kinahanglan nga kay-uhon.
Ginakonsiderar man suno diri nila ang pila ka tuig nga pagtuon sa curriculum rason nga indi mahimo nga ibasura na lamang.
Magakuha man sang mga inputs sa mga manunudlo kag estudyante agud maplantsa ang mga kinahanglan nga kalay-uhon.
Matandaan sadtong 2023, ginlunsyar sang DepEd ang MATATAG curriculum agud i-decongest ang K-12 curriculum.
Sa idalum sini, ginbuhinan ang numero sang mga na-eksperyensyahan sa pagtuon, mangin sa pag-pokus sa literacy, numeracy, kag soco-emotional skills nagikan sa Kindergarten tubtob Grade 10.
