Nagpapanaug sang direktiba si Philippine National Police (PNP) Chief Gen. Rommel Marbil sa mga kapulisan nga magpatuman sang maximum tolerance sa palaabuton nga ikatlo nga State of the Nation Address ni Presidente Ferdinand Marcos Jr. sa Hulyo 22.
Ini ang sa tunga man sang ginalauman nga magkatuhay nga hublag protesta sang nakalain-lain nga grupo.
Suno kay Marbil, luyag sini nga mangin malinong kag matawhay ang State of the Nation Address (SONA) nga wala sang mangin gahud sa bahin sang mga otoridad kag mga militante.
Samtang, ginapatutukan man ni Marbil sa mga pulis nga magabantay sa SONA ang sitwasyon sang trapiko. Luyag sini nga malikawan ang inconvenience sang mga tawo ilabi na ang mga gapadulong kag gapalauli na nagikan sa mga trabaho.
Sa karon, wala sang na-monitoran nga seryoso nga mga pamahog sa seguridad ang PNP.
Wala man ini naga-rekomenda nga magtaas sang alerto.
