-- ADVERTISEMENT --
Ginpasugtan sang International Criminal Court ukon ICC nga indi na personal nga mag-atubang si anay Presidente Rodrigo Duterte sa una nga status conference nga natalana sa Mayo 27. Suno sa korte, mahimo nga ang iya legal counsel ukon abogado ang magrepresentar sa iya sa nasambit nga hearing.
Ang status conference kabahin sang proseso antes magsugod ang pormal nga paglilitis sa kaso nga may kaangtanan sa alegasyon sang crimes against humanity. Lakip sa pagatalakayon ang mga ebidensya, mga testigo kag iban pa nga legal nga tikang nga dapat plantsahon antes ang trial. Ginpahayag man nga boluntaryo nga gin-waive ni Duterte ang iya pag-atubang sa conference.
