Ginpataas sang Philippine Institute of Volcanology and Seismology (PHIVOLCS) sang Department of Science and Technology (DOST) ang alert status sang Bulkan Mayon halin sa Alert Level 2 pakadto sa Alert Level 3 subong nga adlaw matapos ang mas mabaskog nga paglupok sini.
Ang Alert Level 3 nagakahulugan nga nagasulod na sa mas aktibo nga yugto ang bulkan kag posible ang pag-gwa sang lava kag pagdulhog sang mainit nga gas, abo kag mga bato halin sa bulkan.
Nagbuga man ang bulkan sang madamol nga aso nga naglab-ot sa 3,000 metros ang kataason halin sa crater
Bangud sini, ginarekomendar sang mga otoridad ang pag-evacaute sang mga residente nga naga-estar sa sulod sang 6-kilometer nga Permanent Danger Zone ukon lugar nga delikado lapitan sa palibot sang bulkan.
