Padayunon sa gihapon sang alkalde sang banwa sang Sigma ang paghikutar ukon pagproseso sa pila ka mga kinahanglanon nga dokumento para makakuha sang permit sa quarry operation sa Barangay Mianay sa amo nga banwa.
Ginpahayag ni Mayor Christopher Andaya nga ginasunod sang talatapan ang ensakto nga proseso kag gina-comply ang kinahanglanon nga rekisitos.
Apang ginakwestyon lamang sang alkalde kun ano ang dapat sundon sa pagsukot sa ila sang P25,000 sang madakpan nga nagapatigayon sang quarry operation sang personnel sang CAPENRO nga nagapanindugan naglapas sila sa ordinansa.
Suno kay Andaya ba-se sa iya nahibaluan kun ordinansa ang ginlapas nagalab-ot lamang sa P3,000 ang balayaran, apang ang nangin balasehan sa pagpanukot sang monetary penalty ang Executive Order nga ginpahayag P25,000 ang balayaran. Samtang ginaganyat sang opisyal ang Sangguniang Bayan sang Sigma nga magpapasar na sang resolution nga interposing no objection bangud kabahin ini sang rekisitos para mahatagan sang permit sang gobyerno probinsiyal.
