PANAY, CAPIZ – Wala na nagapangayo sang mga proyekto si Panay Mayor Felipe Barredo sa talatapan ni Governor Esteban Evan Contreras II kag nagahulat na lamang kun ano ang ihatag sa iya nga banwa sang amay sang probinsiya.
Ginpahayag ni Barredo nga wala naga-demand ang mga Local Government Unit sang Panay sa gobernador Contreras pag-abot sa implementasyon sang proyekto sa banwa.
Suno sa alkalde nga pagkatapos sang eleksyon nagsumiter sang listahan sang mga proyekto ang ila banwa sa talatapan ni Contreras apang tubtob sa karon wala pa sang may na-implementar nga proyekto.
Nagapanindugan ang opisyal nga kuntani ihatag lamang sa ila ang napartenisir nga proyekto sa diin makabenepisyo ang mga Panayanon.
Sa pihak nga bahin pabor si Barredo nga magre-convene ang Provincial Development Council agud matalakay ang nakita nga errors sang Sannguniang Panlalawigan sa 20% development fund sang Annual Investment Program sa tuig 2020.
