-- ADVERTISEMENT --
Hugot naman Nga ginpanindugan ni Davao City Mayor Sebastian “Baste” Duterte nga wala siya sang personal nga ihibalo sa mga assets kag wealth nga gindeklarar ni Vice President Sara Duterte sa iya SALN.
Suno sa alkalde, wala nila gina-istoryahan ang kasubong nga bagay bangud ginakabig sini nga pribado nga bagay ang SALN sang iya utod.
Sa pagpamangkot ni Atty. Justin Nicol Gular, ginkumpirmar ni Duterte nga wala siya sang personal nga ihibalo sa interest sa negosyo ni VP Sara.
Ginpanginwala man sang alkalde nga nahibaluan niya kon ano nga mga korporasyon ang may mga bahin ukon stocks ang bise presidente.
Gin-athag man sini Baste nga wala siya sang impormasyon angut sa mga kumpaniya nga gin-invest ni VP Sara.
