ROXAS CITY – May ginhimo na nga aksyon ang gobyerno sang syudad sang Roxas angut sa memorandum circular 036-2020 sang Department of Interior and Local Government (DILG) nga nagadumili sa pag-agi sang mga tricycle sa national highway.
Ginpahayag ni Mayor Ronnie Dadivas nga ginbalay na sini ang isa ka Executive Order nga pagapirmahan buwas nga adlaw matapos ang ginpatigayon nga sinapol kaupod ang pila ka ahensiya sang gobyerno, sa diin magatukod sang Roxas City Tricycle Task Force nga ginamandu sang DILG.
Pinaagi sini suno sa alkalde nga magarequest ang gobyerno sang exemption sa ahensiya agud mapresentar ang sitwasyon sang syudad kag mapalab-ot ang mode of transportation sa Roxas City ang tricycle.
Magadihon man ang Roxas City government sang traffic routing plan bilang alternative route para indi gilayon ma-implementar sang ahensiya ang nasambit nga mandu.
Apang nagapati si Dadivas nga indi man gilayon makapatuman sini nga direktiba ang DILG, sa diin ang importante nga may nakita nga aksyon ukon lihok ang ahensiya nga ginahimo sang Roxas City nga plano man nga magtukod sang karsada duha tobtob tatlo ka tuig.
Magadihon man sang schematic map kag makita sa probisyon nga ang terminal sang tricycle ang wala nahamtang sa national highways kundi sa mga barangay.
Magluwas diri porsyenton lamang sang national highway ang ginaagyan sang tricycle bangud wala na sang alternatibo nga dalan nga agihan.
