Mayor Dadivas, nagpahamtang sang mga tent sa gymnasium sang buluthuan nga magaserbe bilang evacuation

ROXAS CITY – Nagpahamtang na sang mga tent si Roxas City Mayor Ronnie Dadivas sa gymnasium sang Colegio de la Purisima Concepcion (CPC) Engineering nga amo ang magaserbe bilang evacuation sang mga pumuluyo.

Ini ang kabahin sang pagpanghanda sang Roxas City Government para sa mga pumuluyo nga naga-istar sa mga flood prone barangays agud makabakwit sila kag mapabilin nga safe ang ila kahimtangan kasunod sang bagyo Tino.

Nagapanawagan si Mayor Dadivas sa mga pumuluyo nga magpatigayon na sang pre-emptive evacuation.