ROXAS CITY – Ginpanindugan sang alkalde sang President Roxas nga indi peke ang deed of donation sa duta nga ginatindugan sang ila Public Market.
Suno kay Mayor Receleste ‘Tanoy’ Escolin nga hawid nila ang orihinal nga kopya sang deed of donation nagikan sa national archives of the Philippines kun sa diin ini ang naka-seal pa kag pirmado sang mga nagdonar nga sanday Donya Luisa Consing Locsin kag bana sini nga si Dominggo Locsin kag ini ang ginbaton ni former Mayor Jose Viterbo sadtong 1956.
Ginpahayag sang alkalde nga kadalag-an sang pumuluyo ang kopya sang amu nga dokumento bangud nagapamatuod ini nga ginapanag-iyahan na sang ila LGU ang amu nga duta.
Klaro man suno kay Escolin ang areas nga nadala sa 2 hectares sang nasambit nga documento.
Ginsiguro man ni Escolin nga kun sin-o man ang magapungko nga mayor sa nasambit nga banwa ang indi na mapatalang kag mapahog bangud may kopya sila nga ginahawiran.
