ROXAS CITY-Desidido si President Roxas Mayor Receliste Escolin nga ilakip sa makabaton sang ayuda sa idalom sang Social Amelioration Program (SAP) sang Department of Social Welfare and Development (DSWD) ang mga indibidwal nga yara sa ‘roster’ sang mga benepisyaryo sang Pantawid Pamilyang Pilipino Program ukon 4P’s.
Ini ang ginpasiguro sang alkalde sang mainterview sang Bombo Radyo.
Suno sa kay Escolin nga nagpakig-angut ini sa talatapan sang DSWD-Region 6 agud mahibaluan ang guidelines matapos nga madamo ang mga nagareklamo nga mga kwalipikado apang yara sa ‘roster’ sang 4P’s.
Ginkpmpirmar ni Escolin nga madugay na nga wala ma-update sang DSWD ang listahan rason nga nagtuga ini sang problema sa mga benepisyaryo.
Bangud nakita sang alkalde nga wala man sang sala ang mga ini kag kwalipikado man sa ayuda, desidido siya nga ilakip sila sa listahan sang makabaton sang nasambit nga bulig-pinansiyal apisar nga ginpaandaman siya sang DSWD nga posible siya mapasakaan sang panumbungon bangud sa iya nga himuon.
