ROXAS CITY – Ginpanindugan sang alkalde sang banwa sang Mambusao Leodegario ‘’Jun’’ Labao Jr., handa magtambong ang mga alkalde sa kabanwahanan kun ipatawag sila sang gobernador para magreconvene ang Provincial Development Council, agud ma-istudyuhan ang nakita nga iregularidad sang Sangguniang Panlalawigan sa AIP 2020.
Para sa alkalde nga maayo ang tinutuyo sini nga tikang sang provincial board, agud ma-koreksyunan ang pila ka mga errors sa annual budget kasubong na lamang sa ginasiling duplication sa mga ginpa-in nga pondo sang proyekto.
Nagpangabay man ini sa provincial administrator nga indi paglaktan pamulitika ini nga isyu, bangud nakasalalay diri ang puturo sang mga Capizeño.
Wala man ini sang nakita nga rason para indi magpasugot ang ehekutibo, bangud ang importante nga tadlungon ang procedure sang budget proceeding.
Nangin maisog man si Labao sa pagbuhi sang tinaga nga wala sang dapat kahadlukan ang administrasyon kun wala sila sang malain nga plano. Ginpanindugan pa sini nga bisan indi paghatagan sang proyekto ang banwa sang Mambusao, sarang niya ini nga mapa-develop ang nasakupan nga banwa.
