Nagpa-athag si President Roxas Mayor Receliste Escolin nahanungod sa paggamit sang iya pangalan sa pagpangtunto.
Sa interview sang Bombo Radyo kay Mayor Escolin, iya ginpahayag nga si Manuel alyas ‘kama-kama’ Delfin ang madugay na nga nagapang-scam kag may alegasyon pa nga may record sang pagpangawat.
Suno pa sa iya, nakibot na lang ini sang impormasyon nga ginagamit naman ni Manuel sa probinsya sang Iloilo ang iya pangalan agud makuha sang kwarta para sa mga naga-apply sang lisensya.
Pahayag pa niya, iya nga ipatawag ang nasambit nga persona agud nga ma-istorya kag mahibaluan ang rason sang iya nga pagpangtunto gamit ang pangalan sang alkalde.
Nagpanawagan man ang natungdan sa publiko nga maghalong kag indi magsalig gilayon sa mga tawo nga indi pa lubos nga kilala.
