Mayor Receliste Escolin, tuman ang pagpasalamat nga nagdaog ini liwat sa pagka-alkalde sa President Roxas

Tuman ang pagpasalamat ni Mayor Receliste Escolin bangud nagdaog ini liwat sa pagka-alkalde sa banwa sang President Roxas.

Sa interview sang Bombo Radyo kay Mayor Escolin, iya ginpahayag nga nalipay ini bangud nadugangan sang tatlo ka tuig ang paghatag sini sang serbisyo sa mga pumuluyo.

Suno kay Escolin nga kampante ini sa iya kadalag-an sa pihak sang mga pagpakamalaot kag pamahog nga iya nabaton.

Ginapasiguro naman ni Escolin sa mga pumuluyo nga iya hatagan sang prayoridad ang mga proyekto kag mapabugal sang tawo ang padayon nga pag-umwad sang President Roxas.