ROXAS CITY – Kumpyansa ang alkalde sang syudad sang Roxas nga aprubahan sang National Inter Agency Task Force (NIATF) ang gina-apelar nga re-classification quarantine status sang Roxas City.
Ginpahayag ni Mayor Ronnie Dadivas nga positibo ini nga i-grant sang NIATF ang iya ginahinyo bangud may yara ini sang balasehan kag gindihon nga resolution nga suportado sang Capiz Medical Society, mga negosyante, opisyales sang barangay kag pila ka mga stakeholders magluwas pa sa datus nga nagapakita sang hinali nga pagtaas sang kaso sang COVID-19 cases rason nga kinahanglan na nga ipaidalum sa Modified Enhanced Community Quarantine (MECQ) ang Roxas City gikan sa Modified General Community Quarantine (MGCQ).
Aminado ang alkalde nga maka-alarma na ang hinali nga pagtaas sang COVID-19 cases sa syudad humalin sang bulan sang Abril tobtob Mayo 24, 2021.
Nagapati si Mayor Dadivas nga indi ini kinahanglan nga pabayaan kag dapat may yara na sang intervention nga himoon, bangud kun indi gilayon maaktuhan, mapuno ang mga ospital kag maapektuhan ang ekonomiya sang Roxas City.
Pananglitan nga maaprubahan sang NIATF ang ginarequest sang syudad nga ma-elevate ang quarantine status gikan sa MGCQ pakadto sa MECQ suno kay Mayor Dadivas nga mangin limitado na ang operasyon sang mga establisemeto magluwas lamang sa essential services.
Dumilian na ang indoor/outdoor activites, mga sinapol ukon kumperensiya, bawalan man ang pagpadulong sa mga tourist sites kasubong sang baybay beach nga masami ginatumpukan sang mga tawo.
Bawalan man ang mga parlors/barker shop, recreational/entertainment activities, gym, spa.
Gina-discourage man ang mga dine-in sa mga restaurants sa diin 20 porsyento lamang ang mahimo.
Ginpahayag ni Mayor Dadivas nga mangin epektibo lamang ini sa sulod sang 15 diyas.
