PRESIDENT ROXAS, CAPIZ- Nanindugan si President Roxas, Capiz Mayor Receliste Escolin na magapabilin sa iya nga puwesto sa pihak sang ginpagwa nga desisyon sang korte kaangut sa Quo Warranto case nga ginpasaka batuk sa iya ni anay Sangguniang Bayan Member Bart Locsin.
Sa interview sang Bombo Radyo, gin-athag ni Escolin nga indi pa niya nabasa ang kabilugan nga desisyon sang korte kag ini ang indi pa sang pinal kag executory, kabangdanan nga mapasa ini sang motion for reconsideration agud pangapinan ang iya nga bahin.
Madumduman nga nasuspinde si Escolin sang Pebrero 2025, apang liwat nga na-eleher bilang alkalde sa nagtakop lang man nga May 2025 midterm elections.
Nahibaluan nga ang kaso batuk sa iya ang ginpasaka matapos niya nga gin-file ang iya nga Certificate of Candidacy sang Oktubre 2024.
Base sa reklamo, nalapawan na ni Escolin ang tatlo ka termino ukon siyam ka tuig nga limitasyon sa pagpanerbisyo, sandig sa Omnibus Election Code kag Local Government Code.
Apang, gin-athag ni Escolin, nga inid dapat pagkabigon nga dalayon ang iya nga termino bangud nga nautod ini sang siya sang ginsuspende sang Office of the Ombudsman sa sulod sang tatlo ka bulan humalin Pebrero tubtob Mayo 2024.
Dugang pa sang natungdan, padayon siya nga magapabilin sa iya nga pagpangalagad samtang ginahulat ang mangin sabat sang korte sa iya nga motion for reconsideration, kag nagalaum nga maathagan ang isyu antes nga makaangkon sang ano man nga pinal nga desisyon.
Interviewed by Bombo Francis Biñas
