Mayor sang President Roxas, ginpasakaan reklamo sa Ombudsman bangud sa pagpautod sang mga kahoy sa plaza

ROXAS CITY — Ginpasakaan sang reklamo sa Office of the Ombudsman – Visayas ang alkalde sang President Roxas, Capiz nga si Mayor Receliste Escolin bangud sa ginaalegar pagmandu sini nga ipa-utod ang mga puno sang Indian trees sa ila nga public plaza.

Ang reklamo ang ginpasaka sang anay bise-alkalde sang nasambit nga banwa nga si Alfonso Golero.

Base sa reklamo, may paglapas sa Forestry Code of the Philippines ang ginhimo ni Escolin nga pagpa-utod sa puno sang Indian trees nga wala sang pahanugot gikan sa Department of Environment and Natural Resources ukon DENR.

Gindugang pa diri nga wala man sang pahanugot gikan sa Sagguniang Bayan ang ginhimo nga pagpautod sang alkalde sa nasambit nga mga puno sang kahoy.