Ginalauman sang isa ka legal expert nga posible ma-cite in contempt si Davao City Mayor Sebastian “Baste” Duterte kun mag-misbehave ini ukon indi magsunod sa mandu sang Senate Impeachment Court samtang naga-atubang bilang witness sa impeachment trial ni Vice President Sara Duterte.
Sa interview sang Bombo Radyo kay Atty. Ephraim Cortez, President sang National Union of Peoples’ Lawyers, iya ginpahayag nga may gahum ang impeachment court nga mag-cite in contempt sang witness sa tion nga maglapas ini sa mandu ukon proseso sang korte.
Samtang, gin-grant sang impeachment court ang hingyo ni Mayor Baste nga isaylo ang iya court appearance sa subong nga adlaw kag buwas agud nga may dugang pa ini nga tion sa pag-arrange, pag-authenticate kag pag-reproduce sang mga dokumento nga ginhingyo sa subpoena.
Ini ang may kaangtanan sa mga transaksyon sang gobyerno sang Davao City sa GenCorp Industries Inc., nga gindeklarar ni VP Sara Duterte bilang isa sa iya business interests sa iya SALN.
Suno kay Atty. Cortez, indi automatic nga nagakahulugan nga mangin in contempt si Mayor Baste kun may yara sang delay ukon disagreement sa iya pag-atubang, bangud kinahanglan nga usisaon anay sang impeachment court ang iya rason kag kon may aktwal nga paglapas sa mandu sang korte.
Nagpanawagan ang legal expert kay Mayor Baste nga tumanon ang subpoena kag respetuhon ang proseso sang impeachment court agud mangin patas kag matawhay ang hearing kag mahatagan sang kahigayunan ang korte nga mahibaluan ang importante nga impormasyon sa nasambit nga kaso.
