Ipatawag ni Mayor Sonny Besa ang mga contractor sang anum ka mga flood control projects sa banwa sang Panay.
Sa interview sang Bombo Radyo kay Mayor Besa, iya ginpahayag nga ginsulatan niya ang Department of Public Works and Highways (DPWH) nga magpatigayon sang pagsinapol upod ang mga contractor sa Setyembre 19.
Suno sa alkalde, usisaon niya kun may permit halin sa LGU ang mga contractor kag kun ngaa nga wala sa gihapon matapos ang proyekto apisar natapos na ang completion date.
Pahayag pa niya, duha sa mga proyekto ang ginakaptan sang Alpha and Omega General Contractor And Development Corporation nga ginbawian sang lisensya bangud sa issue sa flood control project.
Ang Presidente sang nasambit nga construction firm amo si Cazarah “Sarah” Discaya.
Dugang pa sang natungdan, ang Tico River Control sa Barangay Tico nga humalin pa sang 2010 sang ginkaayo apang tubtob subong nga 2025 ginakaay-o pa ini sa gihapon.
Sa data sang DPWH, kadam-an sa mga proyekto sa banwa nagtakop na ang date of completion apang sa status sini sa ahensya, ongoing pa ang proyekto.
Sa Sumbong sa Pangulo website, nasaad nga may yara sang P88.2 million nga balor sang flood control projects ang banwa sang Panay humalin sang tuig 2022 tubtob tuig 2024.
INTERVIEWED BY: BOMBO FRANCIS BIÑAS
